He Inneih Zungbun chûngah hian;
Hmangaihna ngawtin ro a rêl lo.
Inthîkna te,
Inphûtna te,
Ngaihdan inrem thei lo te,
Malsâwmna te,
Vânduaina te,
Hrehawmna te,
Lâwmna te’
A inkhung tel vek avangin,
A bul tanna, Hmangaihna thutiam khân a phuar khâwm tlat loh chuan,
Eng anga man to leh cheimawi pawh ni se,
Zungbun chhuanawm loh a nih hun a thlen meuh chuan,
Chûngkaw ropui leh zahawm ni thei kha,
Chhuanawm loh chûngkua a hrin theih avângin,
Thutiam ngawt ni lo, Hmangaihna,
A tîr atanga pumkhata siamtu kha,
A tâwp thlengin rorêltu a nih zêl loh chuan.
Zungbun tharlâm siam ngawtin,
Awmzia a nei chuang lo.
2 comments:
Eng tikah tak tu tak chu la buntir ve ang i maw!!!
A dik viau mai. Zungbun hrim hrim hian chanchin sawi tur a lo ngah phian mai
Post a Comment