Ka inthawh ve tawp: Inrin lâwkna pawh awm miah lovin, “Ramabai-ah Biak In kan hawng dâwna min rawn hmanpui ru”, tih sâwmna kan dawng thut a, Kan Fellowship-in Biakin chei nan Rs. 10000/- kan thawh ve vangin min rawn sawm niin a lang. Kal ve ka châk hle a, mahse kal tura committee-in a ruatte ziangah ka hming a lan vena tur ka’n dap kual vêl a, Outreach committee Chairman ka nihna hmangin, hmaih tur ka nih bik loh zia ka’n insawi pawimawh chawp ta vêl a nih kha. Kal tura mahni insawipawimawh zuah zuah tâkah chuan, min telh ve ta hram a.
Khawnge Ramabai chu ? : Pune atanga Rêl-a kal a, dârkâr thum vel kal, Motor chuan dârkâr 4 lai kan kal, Mumbai bula awm, Thlarau Bo Zawngtute (TBZ) rawngbâwlna hmun, Fellowship thar an hawnna hmun a ni.
Kan ril a tam : Breakfast pawh ei mumal lova kal chhuak kha kan ni a, Mumbai kawngpui (Express)-a kan tlan lai chuan kan nui thla bâwk bâwk a, Kawngpui atanga kan peng chiah chu, riltâm kan hre tan ta, “Hotel awmna hmasa berah chaw ei thla ang aw”, kan tih ve ngawtte chu Driver chuan eina tur tha hre lawk ang hrimin, “Khutah kan ei dâwn nia”, a ti bawk si, khawnge a khutah chu? Kan kal zêl a, Driver khutah chu amah pawhin a hre chiang leh ta bîk si lo, chawhnu dâr khat a ri tawh, tâm tawh tak kan ni. Rev. David a chhuk ta tharh mai, Hotel a zawng kual ruai a, a hmu ta ni ngei tûr a ni, min rawn hui lauh lauh a, a Hotel hmuhah chuan kan lût dial a, kan han thu fel chu, kan sira thute chuan an thli ta kar kar mai, kan han hawi kual a, a sen chi an hung tlar tuar mai a, Biakin hawng tura kalte chu, Bar chhûngah min luhtir dial zuk nia mawle!!, amah lah chu a chhuak leh tharh a, engnge a tih kan hre si lo, kan va zawng kual leh, Hotel dang a lo zawng chu niin, Family Hotel an tihah ngei chuan kan lût fuh ta. Kan luhna hmasa kha Bar Hotel ni ngei tur a ni.
Kan lut kêt kêt : Kan va thleng chu Biakin hawn Ribon cheh chah pawh kan nang hman tawh lo, inkhâwm programme an lo tan dâwn chiah a, Kan Biakin hawnna kalkawng hi a zuih ral raih ni berin ka hria, Pune atangin Mumbai kawngah, a ruala Motor 8 tlan theihnaah kan tlân thla a, chuta tangin Motor 2 tlan theihnaah kan pêng a, chuta tangin pakhat lek tlan theihnaah ka lût leh a, Biakin hmun kan thlen dâwn chuan Motor pawh a lût thei tawh lo, ke-in meter 100 vel kan kal leh a, Biakin luhna kan va thlen meuh chuan feet khat leh a chanve-a zau verandah–ah kan lût ta kêt ket mai a nih kha. Khawvel zawng zawnga Biakin Verandah tê ber a nih ngei ka ring.
Kan in-ekchhe beng : Kan Biakin hawn chu feet 14 bial chauh a nih avângin mi 50 rual a chhûngah kan inbeng tehrêng a leh, Pu Hmingmawiate phei chuan an bula Vai pitar thute chu an fâwp lo chauh a ni ber mai. Chuti taka tâwta thu kan nih hre lo ang lêkin, Pu Davida’n kan hriat thiam ve hauh loh Vai tawngin Pathian thu tui êm êmin a sawi, a thlûk leh a action kha kan lo thlir ve a ni ber a. Ninawm teuh tak a ni.
Missionay-te leh a va tlawhtute
Kan thupui-ah : A va mak êm ‼ Keini Tribal kephah hlai, India ram kawng tâwpnaa awmten, Isua hmangaihna thu kan hrilna apiangah, lâwm taka pawmtu kan hmu zel mai hi. Hei lo liama Pathian hnam thlan. Dik tak chuan vai hnam tha, hausa pui pui, khawpuiah kristian tam tak an awm a, Isua chanchin hi hril an tum ve lo a ni ang. India ram chhûngah ka lût ril tual tual a, Kohhran lo ding tawhte nêp zia ka hmu tam tial tial. Chutih laiin keini, hnam zahawma min ngaih lohte hian, mi hmuhsit leh retheih pawh dâwn lovin, Isua chanchin kan hril thin. Kan lâwmman chu kan la hmu mawlh ang. Missionary-te u tang rawh u.
Khawnge Ramabai chu ? : Pune atanga Rêl-a kal a, dârkâr thum vel kal, Motor chuan dârkâr 4 lai kan kal, Mumbai bula awm, Thlarau Bo Zawngtute (TBZ) rawngbâwlna hmun, Fellowship thar an hawnna hmun a ni.
Kan ril a tam : Breakfast pawh ei mumal lova kal chhuak kha kan ni a, Mumbai kawngpui (Express)-a kan tlan lai chuan kan nui thla bâwk bâwk a, Kawngpui atanga kan peng chiah chu, riltâm kan hre tan ta, “Hotel awmna hmasa berah chaw ei thla ang aw”, kan tih ve ngawtte chu Driver chuan eina tur tha hre lawk ang hrimin, “Khutah kan ei dâwn nia”, a ti bawk si, khawnge a khutah chu? Kan kal zêl a, Driver khutah chu amah pawhin a hre chiang leh ta bîk si lo, chawhnu dâr khat a ri tawh, tâm tawh tak kan ni. Rev. David a chhuk ta tharh mai, Hotel a zawng kual ruai a, a hmu ta ni ngei tûr a ni, min rawn hui lauh lauh a, a Hotel hmuhah chuan kan lût dial a, kan han thu fel chu, kan sira thute chuan an thli ta kar kar mai, kan han hawi kual a, a sen chi an hung tlar tuar mai a, Biakin hawng tura kalte chu, Bar chhûngah min luhtir dial zuk nia mawle!!, amah lah chu a chhuak leh tharh a, engnge a tih kan hre si lo, kan va zawng kual leh, Hotel dang a lo zawng chu niin, Family Hotel an tihah ngei chuan kan lût fuh ta. Kan luhna hmasa kha Bar Hotel ni ngei tur a ni.
Kan lut kêt kêt : Kan va thleng chu Biakin hawn Ribon cheh chah pawh kan nang hman tawh lo, inkhâwm programme an lo tan dâwn chiah a, Kan Biakin hawnna kalkawng hi a zuih ral raih ni berin ka hria, Pune atangin Mumbai kawngah, a ruala Motor 8 tlan theihnaah kan tlân thla a, chuta tangin Motor 2 tlan theihnaah kan pêng a, chuta tangin pakhat lek tlan theihnaah ka lût leh a, Biakin hmun kan thlen dâwn chuan Motor pawh a lût thei tawh lo, ke-in meter 100 vel kan kal leh a, Biakin luhna kan va thlen meuh chuan feet khat leh a chanve-a zau verandah–ah kan lût ta kêt ket mai a nih kha. Khawvel zawng zawnga Biakin Verandah tê ber a nih ngei ka ring.
Kan in-ekchhe beng : Kan Biakin hawn chu feet 14 bial chauh a nih avângin mi 50 rual a chhûngah kan inbeng tehrêng a leh, Pu Hmingmawiate phei chuan an bula Vai pitar thute chu an fâwp lo chauh a ni ber mai. Chuti taka tâwta thu kan nih hre lo ang lêkin, Pu Davida’n kan hriat thiam ve hauh loh Vai tawngin Pathian thu tui êm êmin a sawi, a thlûk leh a action kha kan lo thlir ve a ni ber a. Ninawm teuh tak a ni.
Field Director ropui : Rev. Vanlalchhûnga, Synod Moderator hial lo ni tawh khân, a pension hnuin, Vai thingtlâng khuaah, a nupui fanau kalsanin, Missionary 8 vêl a enkawl a, he Biakin hawnnah hian hlim êm êmin min lo lâwm a nih kha, lung pawh a ti chhe rum rum zâwk mai. Vai tawngte lah chu a hre tlêm ve khawp a, Kan thawhlawm thawh khâwm chu Rs. 1645/- lai a nih thu uar takin puan ve a tum a, Vai tawngin ek hazar ti tur khan “ek bazaar” te a rawn ti vel. Vai tawng ziak chhiar chawpin inkhâwm a kaihruai a, a thlûk dik lo ve ngawtin ka ring.
Missionay-te leh a va tlawhtuteMittui tla chunga tuhtute chuan hlim takin an ât ang a.
Tap chungin buh chi feh chhuahpui mah sela.
A buh phalte kengin hlim takin a lo haw leh ang. (Sam.126:6).
12 comments:
Hemi ni zet kha chu, kawng tluan khan i ngawi vung vung sia, engtin tak i blog lamah han tial leh ang che maw ka lo ti rilru deuh rauh rauh reng ah..
A hmun ngeia kal chuan Missionary te, in hlutna (nangmah pawh tiamin.:)) kan hre fiah thar thin. Nl. Bectei te, Laan a te, Pu Tlana te, Pu Dinga te,, aa,, kan sawi vek seng lo ang.. An fel ngawt mai. Tin, Pu Chhunga pawh sawi hmaih chi hauh loh.
Biakin te tak te chhunga rilru leh tihtakzeta Pathian an fak a, an chawimawi kha, Zorama thalai te leh midang, inkhawm ngaihsak vak lem lo te hian hmu ve se an rilru chu a dang ve deuh hial ta ve ang.
Nang nge nge, thu leh hla ah i ngaihtuahawm loh e.
{Ka blog ah pawh ka thailan ve hial hi}
Pune Girls Hostel Warden nih vang nge i rial rei hle mai!angaihnawm in Biakin tetak te khi a ropui ru tlat..in ti teh ang....
A va ropui em!
A van han ropui ve aw! Inkhawm pawh rin aiin an tam ve phian. Tawngtaina ah kan lo hre ve reng dawn nia.
-blackmagicwoman
I rawngbawlna Lalpan malsawm mawlh teh se. Vawi khat chu kan kohhran (vai) hian inti thei deuh takin Tea-Garden hnam mawl ho kohhran an va tlawh a, Ei tur leh thawmhnaw hlui te an keng hlawm a. An inkhawm lai chuan, kan kohhran member va kal ho te khan Lal Isua hmel an Biak In, mau rap maia sakah chuan an hmu tlat a nih chu.
Kan member kal te pawh an inhmu chhuak, Hniam zawka an ngaih te Biak Inah Lal Isua hmel an hmu, Kan kohhran pawn harhna kan chan phah, a va lawmawm em. Darkar 4 te kan inkhawm thin ta nia maw le.
David i ti lawmawm e.
a van ngaihnawm dangdai ve le.. In kalna kawng chu a zuih ral chiang hle tak mai.
cobtea sawi khi a dik duh hmel e.. :-)
Varte, zuih hi 5 nise kan kalna chu 1 vel a ni ang.
Ngaihnawm hle mai. Upa nazah sermon aiin rilru a hneh daih mai
In Biak In hawn ber thlalak pawh chu i rawn ti lang lem hlei law'... A lawmawm thin e. Hmana tirhkoh mi tlawm te te te pawh 'khawvel chawkbuaitute' tih an nih chuan keini Mizo hnam tlawm tak hi amah kan rina a thiltihtheihnaa min thuam phawt chuan 'India ram chawkbuaitute' tih tal chu kan la hlawh ve mawlh ang.
@Faka: Kan biakin hawn chu a chhung bak thlalak ngaihna awm hek lo, Mi In tan bun, va luh ket keta a chhung luh thut a ni ber e. Ni e, India ram chawkbuaitu chu kan la ni mawlh ang.
A ngaihnawm ka ti, Mizoram a kan Biakin RO-PUI tak tak te ai chuan Ramabai a Biakin thar kha kan PATHIAN hian a va ngaihlu dawn em. Lalpa'n in rawngbawlna malsawm zel che u rawh se. Zaia Ralte.
Post a Comment