A ruang nang hman tura flight awm hnai ber pawh Mumbai atanga Kolkata, Kolkata atanga Thlawhtheihna dang thlak ngai, zing dar 10 thlawk nan hman loh chuan kawng ping hmiah tur a nih kual duah avangin ka thawk chhuak buai ta lo kha a ni a.
Ka hun neih remchan hmasa berah April 20.’11 khan ka lo thleng thei hram a. Remchang lutuk maiin ka nu chu ka pa thlanah, a ruang chuangah min lo zalhsak a.
Thlan ka thlena ka rilrua thu lo awm hmasa ber chu. Tawih thei chu tawih thei lova kaihthawhin a la awm dawn, ka nu leh pa taksa tawih tawh chu tawih thei lo thlarau taksaa siam thar a nih tur lam ka thlir a, chu taksa tawih chauh chu thlir ni ila ka mittui hruk sen lohvin a luang ngei ang.
Ka lo haw hi kum 2 liam hnua Aizawl ka rah leh hmasaber pawh a ni. Ka pianna Zawlkhawpui pawh a par mawi ngei mai. Thil thar langsar zual ka hmuh chu, Scooty leh Bike changkang hlir an lo hmang a, a thar hlir niberin ka hria, khawng sira two wheeler dingte chu zawrh lai ang maiin a ding tlar tuar mai a, khawpui a cheimawi ngei mai. Kan awmna hi India rama Two Wheeler tamna ber a ni an ti a, a tam nangiang reng a, mahse a changkang leh thar tha chu tlemte a ni. Aizawl-ah erawh a hlui chu tlemte a ni thung.
Sawi tur dang pawh ka ngah, ka tui laklawh chuan chhiar ninawm khawpin ka tlar thla leh mai ang. Ka tawp thut dawn. Lehkhabu lamah tial zawk maiang.
6 comments:
E khai unaupa i lo haw min hrilh hauh loh chu le! Mahse i boruak a ritin i buai hle ang tih ka ring a, ka vui lo vang e. Hetiang dinhmuna din a hrilhhaithlak zia hre ve tawh tu ka ni e. "Nun hlui ngaih a sawt lo kan hma lam i thlir ang..."
Lo haw rawh khaiii
Kum 2 zet hnuah chuan Aizawl thlalak ringawt paw'n lunglen a hnem a niang maw...
@ Faka: Unaupa ka lo haw laiin i lo zin bo daih a, kan intawng hman ta lo, ka ngai khawp che asin.
@ b-buata: Hnem khawp mai, a mawi ka ti. Chu ai mah chuan kan Mizo soceity mawlh mai hi ka thlahlel thin.
Lung a va tileng ve. :)
Nia, 2 wheeler leh Fasion en chuan Mizoram chu kan "CHAW KEE" alom.. :)
Ringtu dik tak thihna chu coins hmai pahnih nei ang hi niin ka hria .. Lungaih thlak rualin a ropui bok sia.. Thlalak chuan chir ti nuam khop mai.. Naupangchia tih takah lehkhabu te hi milem tam2 hi a ngaihnom hmel maiin ka hre thin.. :)
Post a Comment