Inneih hi a ropui thei ang bera buatsaih a tha nge tha lo ka hre lo, Inneih lawmnaa senso teuhva leiba rulh leh ngai, Mizo zingah an awm em tih pawh ka hre lo. Hnam dang zingah chuan an awm tih ka hria. Ka nupui neih tum erawh chuan sum neih loh nen, cheng singkhat vel chiah sengin, mi 200 rualin min lawmpuiin, Meitei Sangha ruai hmangin ka chhungten min lawmsak a, a ropui ka ti kawp mai. Inneihnaa kan sen tlem avang khan tun thlengin kan inneih a ngheh lohna ka la hre lo. A chang changin kan nuin min hau deuh hlak hlak e tih mai loh chu.
Kan thianpa Nobby in, Dt.16 December 2009 khan Mumbay-a a nupui neihnaah tel ve turin min sawm a. Vai inneih chu a pui beng beng khawp mai, thu ziaka fiah chi pawh niin ka hre lo. A thlalak hi en tlang ila a fiah ber ang.
An chei par thei khawp mai
Ha fual ve asin Cake man hi Rs.5/- ai chuan a tam maithei
Ka vei lama mite hi kan zirtirtute zinga tawng hriat har berte an nih hi.
Miss Donhring hian thla min lakpui a chak phian a, kan dawh fuh khawp lehnghal
3 comments:
Kei pawh ka kal ve nual tawh. Pui thei beng beng khawp mai. Chennai-a ka awm lai khan kan thenawmah Doctor pahnih an innei a. Malsawmna hlan turin min rawn beisei mauh mai a. An urhsun nasa mai si a, a ngaihna hriat a har duh phian, kan lo ti ve ngai si lo va...
Helam pawh neih bak bak-in an lawm bung bung thin ania, keini tan chuan a hmuhnawm a ni ringawt mai.. Innei an awm hian ka lo lawm thin, Ei teuh zel mai ni!!!!
An pangpar chu a nalh hle mai.
@ Varte : Min sawmtu awm le se, ei leh teuh ila ka ti ngawt mai.
An pangpar hi an hawh a nih hi.
Post a Comment